တရုတ်နိုင်ငံ ယူနန်ပြည်နယ် ပေါင်ဆန်းမြို့ ကောင်လီကုန်တောင်ခြေတွင် တည်ရှိသည့် ရှင်းကျိုင်ကျေးရွာသည် “တရုတ်နိုင်ငံ၏ ပထမဆုံးသော ကော်ဖီကျေးရွာ”ဟု တင်စားခံထားရသည်။ ဤကျေးရွာအုပ်စုတွင် အိမ်တိုင်းလိုလို ကော်ဖီစိုက်ပျိုးကြပြီး အဓိက စိုက်ပျိုးဧရိယာ တရုတ်ဧက ၁၃၆၀၀ ကျော် ပိုင်ဆိုင်သည်။ ဤဒေသသည် ပေါ်ရှန်း ကော်ဖီစေ့မျိုး စိုက်ပျိုးရန် အကောင်းဆုံး နေရာတစ်ခု ဖြစ်သည်။  ယင်းကျေးရွာသည် နှစ်စဉ် ကော်ဖီတန်ချိန် ၄၀၀၀ ကျော်ထုတ်လုပ်နိုင်ရုံသာမက ကော်ဖီ စိုက်ပျိုးခြင်းနှင့် ခရီးသွားလုပ်ငန်းကို ပေါင်းစပ်ထားသည့် လုပ်ငန်းသစ်ကိုလည်း စတင် ဆောင်ရွက်လျက်ရှိပါသည်။  ခရီးသွားဧည့်သည်များအနေဖြင့် ကော်ဖီစေ့မှ ခွက်အတွင်းသို့ ကော်ဖီဖြစ်လာသည့် ကော်ဖီယဥ်ကျေးမှုကို ကိုယ်တွေ့ ခံစားနိုင်ပါသည်။